Roy on Tour: Rocky Mountains Bärndütschi Version

Hello everybody. In this post ill put up some pictures from the people on the Rocky trip...

Hallo Zäme! Uf vielsitigs verlange, schribi bis i ca. 3 Wuche mini Reports ou no in Schwizerdütsch ;) Vor drü Wuche heimer ä 4- tägigi Tour id Rockys gmacht... Am 1. Tag simer früe usem Näscht und hei üs id Richtig vo Banff ufd Socke gmacht. Uf däm Trip simer bi Salmon Arm, Revelstoke and Golden verbi cho. Nachemne Zitli Fahrt, heimer gmerkt, das d Vibratione im linke Vorderrad immer meh wärde und mir hei üs entschlosse in Revelstoke bimne Mechaniker verbi dsgah, daser die Sach cha gneuer aluege. Är het üs när gseit, das mir ziemlch Schwein heige gha, das üs das Rad nächstens wäri abgheit. So heimer die Sach gflickt und nachere Stund het üses Reisli chönne witerga. Nach däm heimer ungerwägs a äs paarne atemberaubende Orte halt gmacht. Sisch würklch wahnsinnig schön gsi, obwohl a däm Tag ds Wätter no nid extrem nach üsne Wünsch het mitgmacht. einisch in Banff acho, simer fein ga dsnacht ässe und no chli i Usgang. Am nächste Morge heimer no chli Banff uskundschaftet und si när ufenes Bärgli bi Banff gwanderet. Die Ussicht dert obe umgäbe vo all denä Bärge isch ungloublech schön gsi. Vomer wider si dunde gsi, heimer üs ufe Wäg nach Fernie, ä Ort im südleche Teil vode kanadische Rockys ziemlch nach voder US- Gränze, gmacht. Ufem Wäg derthäre, simer a äs paarne Hotsprings verbi cho, si aber nid drin ga bade. Dür all die Zwüschestöpp simer när ziemlch spät in Fernie acho. Nachem Check in im Hostel simer ines super Curry- Restaurant ga ässe. Sisch würklch superfein gsi- und de ersch no zum däm spotbillige Pis. Nachdäm isch när dr Seich losgange... Mir si no chli i Usgang dert und zersch isches ziemlch guet gsi, eigentlch unerwartet viel Lüt und Fun. Woni aber du när chli speter am Abe düra Club gloffe bi, hani dr Jakob gseh regigslos ufemne Stüeli hocke. I bi zuenim häre und är hetmr verzellt, dases fürne Zigarette gfragt het unds dört irgendwelch Droge drin heigi gha. Also bini mitim abe ufd Toilette umim chli Wasser dsgä. När isch irgend sone Typ abecho und het Witze überne gschrisse, i hanim gseit das die Sach nid am Jakob sini Schuld sigi. 2 Minute speter si när 10- 15 Type dunge ir Toilette gstange und d Show isch losgange. Unglücklecherwis oder vilech glücklecherwis bini nach dr zwöitä Pfuscht scho usser Gfächt gsi, da ig mini Nase broche ha. Also was eigentlch super agfange het, het äs leids ändi gha im Spital vo Fernie für mini Nase wider dsrichte :) Am 3. Tag simer zersch zrügg ids Spital, da mini Nase nid würklech grad isch gsi... Auso heisi äs paar Röntge gmacht undmi zumne Spezialist in Kamloops vertröschtet. Nach däm heimer üse trip id Richtig vo Creston fortgsetzt. D Fahrt dörthäre isch nid so lang gsi, so simer ziemlch früeh dört acho. Ds Hostel het ziemlch beängstigend usgseh und dr Kameltriber dört het ou nid grad dr suberst Idruck gmacht. Sisch aber ohni Problem gsi dört. Da Creston d Geburtsstädte vom Kokanne Bier isch, heimr no schnäu ä Bsuech bir Brauerei abghalte. Da aber Thanks Giving isch gsi, heimer leider ke Füerig chönne ga mache. A däm Abe simer nachem Znacht imne Pup ziemlch früeh ids Näscht, da alli ziemlch müed si gsi nach de asträngende letschte Nächt unmr am nächste Tag ä ziemlch längi Reis vornis hei gha. Dementsprächend simer när am nächste Tag ou ufgstande und heinis ufd Socke Richtig Penticton gmacht. D Natur am afang vo däm Trip het extrem schnäu gwächslet, so simer innerhalb vo 3 Stund vode chalte Rockys ine scho bau Wüeschteregion cho. Dr 1. Stop heimer när in Osoyoos gmacht, 3 Km vor US Gränze entfernt. Dä Ort isch wie dr Afang vom Okanagan Valley mit all sine Räbbärge und Weinfarme. Zersch hei dr Jakob und ig aber no ä Abstächer nach Amerika wöue mache, aber äbe nur wöue... Da ig no dr alt Pass ha, heisimi nid la ireise und ig ha 1 Stund am Zoll verbracht, um nid dörfe idsreise. Also heisi mini Fingerbdrück gno undmi usem Land usegschosse.. Nachdäm heimer üsi Fahrt nach Penticton fortgsetzt. Ufem Wäg heimer Halt gmacht, um Wein ga dsdegustiere. Womer in Penticton si acho, heimer entschide grad heim nach Kamloops dsfahre. Also heimernis über Kelowna und Vernon ufe Wäg gmacht. Alles in Allem isch das Reisli dr absolzt wahnsinn gsi. Ä super Erfahrig. Mir hei i denä 4 Täg viel Sache gseh. Mir hei die ganz Bandbreiti vo Bärgregione bis Wüstereigione, vo geile Partys bis ruhige Momente dusse ir Natur gha und gseh. Sisch eifach ä super Sach gsi!